تغيير بطاقة الزوجة من انسة الي متزوجة بعد طلاق ورجوع

السلام عليكم
ياجماعة انا مغترب برا مصر وزوجتي علي وشك الولادة باذن الله وبطاقتها تنتهي بعد ميعاد الولادة باسبوعين والمشكلة ان اجراءات تسجيل المولود الجديد وعمل شهادة ميلاد مميكنة واستخراج باسبور له تستغرق هنا 3-4 شهور في بلد الغربة وطبعا لازم اسجل الطفل الجديد علي الاقامة والا اتعرض لغرامة مالية وكمان علشان اعمل للمولود تأمين صحي نظرا لغلاء الكشف والادوية هنا جدا
المهم عندي مشكلتين

اولا= انا تزوجت زوجتي اول مرة بعقد وطلقتها بعد خلافات وقعدنا 7 شهور وطبعا طلعت وثيقة طلاق واخذ الماذون مني العقد الاول الخاص بالزواج
لما حصل صلح ورجعتلها بعقد جديد طبعا نظرا لانقضاء العدة واخذ مني الماذون وثيقة الطلاق الاولي طبعا\\
انا دلوقتي معايا العقد الجديد فقط ولما جيت استخرج لزوجتي باسبور وكان باسبورها القديم مكتوب فيه انسه لما جيت اقدم وثيقة الزواج (العقد الجديد التاني بعد رجوعنا ) علشان تحول الصفة من انسة الي متزوجة الموظفة عملت معايا مشكلة بتاعة الجوازات وقالتلي الورق مرفوض بسبب انها لم تغير البطاقة قلتلها انا جايبلك وثيقة الزواج اهو فرفضتها وقالتلي دي مكتوب فيها انها مطلقة ليك طلقة اولي ومش عارفين امتي بقيت متزوجة اول مرة لان طبعا عقد الزواج الجديد مكتوب فيه من ورا ان الزوجة مطلقة للزوج المذكور طلقة اولي بائنة -المهم حصلت مشكلة كبيرة لان كان ميعاد سفري بعد 4 ايام ومينفعش اغير بطاقة زوجتي او الغي الحجز -المهم تدخل ضابط بينا وقالها خدي الورق بعد لما خلتني امضي علي اقرار مش عارف ايه هو والله لحد دلوقتي بس مضيت علشان اخلص واخلي زوجتي تسافر معايا

انا دلوقتي باسال هل لما اجي اسجل المولود الجديد حيعملوا معايا نفس المشكلة مع العلم اني مش عاوز اطلع الشهادة الميلاد من بلد الغربة فمش عارف اعمل ايه
هل اروح استخرج وثيقة الزواج الاولي قبل الطلاق من المحكمة علشان السجل المدني يعرف امتي اول مرة زوجتي تزوجت ولا ايه مع العلم انهم المفروض يبقوا عارفين ان الماذون بيسحب مني الوثيقة الاولي طالما فيه طلاق

ثانيا =هل ينفع ابعت لحمايا ابو زوجتي الاوراق وهو يعملها في مصر ولا حيرفضوا او يكونوا عاوزيني انا شخصيا\
ياريت حد يفدني ويقولي اعمل ايه لاني محتار والظروف في مصر مش عارف حينفع زوجتي تولد بالظروف دي ولا افضل هنا احسن
يارب حد يفدني قانونيا ويقولي اعمل ايه وجزاكم الله خيرا