استشارة حول بيع شقة

السلام عليكم


الموضوع انى هبيع شقة و أتفقت على البيع مع المشترى و السعر و كله تمام و مش هينفع اسيب الشقة قبل 1/7


و المشترى قال مش مشكلة


المشكلة انى عاوز المبلغ كامل علشان اشترى شقة تانية


فهو قال ليا الحل انو ياخد وصل امانة بالمبلغ و يسلمنى الوصل لما اسلمه الشقة ان شاء الله


علشان يضمن فلوسة و هيعمل بالعقد اللى هيكتبه المحامى بتاعة صحة توقيع


اللى عاوز اعرفه هل فى مشكلة فى موضوع وصل الامانة ام الموضوع امر طبيعى متعارف عليه لضمان الحقوق


تانى حاجة امتى بنسجل العقد فى الشهر العقارى


شكرا مقدما

انا من رأىى عدم عمل وصل امانه لانه قد يطالب به وهو اساسا ثمن الشقه وممكن تأمينه من حيث الاستلام بتغيير مثلا عداد الكهرباء باسمه او كتابة بند فى العقد او عمل توكيل له بعد سداد المبلغ بالبيع للنفس او الغير .
اما من حيث التسجيل بمجرد دفع كامل ثمن الشقه من حقه يسجل .